KalviseithiDaily: Schemes

KalviseithiDaily

kalviseithidaily.blogspot.com No:1 Education Website in Tamil கல்வி செய்திகள்: Get latest news on Exam Results, tamil nadu school education department news, TN University Results, Exam Schedule Latest News Educational News from Tamilnadu Government, Tamilnadu Educaitonal Minsters Latest Updates, 10th, 11th, 12th, TNTET, TRB, TNPSC, STUDY MATERIALS, ONLINE TESTS, LATEST kalviseithi, Padasalai, tnkalvi, tnpse news, TET updates, TRB news, kalvi news, Padsalai study materials

Subscribe Us

Sigma is

  • Seo Ready
  • Responsive
  • Fast Loading
  • Amazing!

Hot

Post Top Ad

Your Ad Spot
Showing posts with label Schemes. Show all posts
Showing posts with label Schemes. Show all posts

Saturday, January 28, 2023

பள்ளியில் மதிய உணவு சாப்பிட்ட 36 மாணவர்களுக்கு வாந்தி, குமட்டல்

January 28, 2023 0
கன்னியாகுமரி: ஒன்றிய அரசின் புனித் சாகர் அபியான் திட்டத்தின் கீழ் கடற்கரை சுத்தம் செய்யும் பணி நேற்று நாடு முழுவதும் நடைபெற்றது. அதன்படி குமரி மாவட்டத்தில் சர்வதேச சுற்றுலா தலமான கன்னியாகுமரி திரிவேணி சங்கம கடற்கரையை சுத்தம் செய்யும் பணியில் பள்ளி, கல்லூரிகளை சேர்ந்த என்.சி.சி. மாணவ, மாணவிகள் சுமார் 150 ஈடுபட்டனர். தூய்மை பணி நிறைவடைந்ததும் மாணவ, மாணவிகளுக்கு காலை உணவு பார்சல் செய்து வழங்கப்பட்டது. இந்த உணவை சாப்பிட்ட கொட்டாரம் அரசு மேல்நிலைப்பள்ளி மாணவ, மாணவிகள் சுமார் 43 பேருக்கு வாந்தி, மயக்கம் ஏற்பட்டது. அவர்கள் அனைவரும் மருத்துவமனையில் அனுமதிக்கப்பட்டனர். தகவலறிந்து மாவட்ட கலெக்டர் அரவிந்த், மேயர் மகேஷ், விஜய் வசந்த் எம்.பி., எம்.ஆர்.காந்தி எம்.எல்.ஏ. ஆகியோர் மருத்துவமனைக்கு சென்று மாணவர்களின் நலம் விசாரித்தனர். இதுகுறித்து சுகாதாரத்துறையினர் விசாரித்து வருகின்றனர்.

பள்ளியில் மதிய உணவு சாப்பிட்ட 36 மாணவர்களுக்கு வாந்தி, குமட்டல்

சாங்லி: மஹாராஷ்டிராவில் உள்ள சாங்லியில் மதிய உணவு சாப்பிட்ட 36 மாணவ, மாணவியர்கள் வாந்தி எடுத்ததால் அவர்கள் மருத்துவமனையில் அனுமதிக்கப்பட்டுள்ளனர். மகாராஷ்டிரா மாநிலம் சாங்லி அடுத்த வான்லெஸ்வாடி உயர்நிலைப் பள்ளியில் ஐந்தாம் வகுப்பு மற்றும் ஏழாம் வகுப்பு படிக்கும் குழந்தைகளுக்கு சுயஉதவிக் குழுவினால் தயாரிக்கப்பட்ட மதிய உணவு வழங்கப்பட்டது. இந்த உணவை சாப்பிட்ட மாணவ, மாணவிகளில் 36 பேருக்கு வாந்தி, மயக்கம் ஏற்பட்டது.

அதையடுத்து அவர்கள் அருகில் உள்ள மருத்துவமனையில் சேர்க்கப்பட்டனர். இதுகுறித்து கல்வி அதிகாரி கெய்க்வாட் கூறுகையில்:

மதிய உணவு சாப்பிட்ட பின்னர் 36 மாணவ, மாணவியருக்கு வயிற்று வலி மற்றும் குமட்டல் ஏற்பட்டுள்ளது. அவர்களில் பலர் வாந்தி எடுத்தனர். அவர்களுக்கு உரிய சிகிச்சை அளிக்கப்பட்டு வருகிறது. அனைவரும் நலமாக உள்ளனர். பள்ளியின் சமையலறையில் இருந்து உணவு மாதிரிகள் எடுக்கப்பட்டு சோதனைக்காக ஆய்வகத்திற்கு அனுப்பப்பட்டுள்ளன. இந்த விஷயம் குறித்து விசாரிக்க மூன்று பேர் கொண்ட குழு அமைக்கப்பட்டுள்ளது. சம்பந்தப்பட்ட மதிய உணவு திட்ட அதிகாரியிடம் விளக்கம் கோரப்பட்டுள்ளது’ என்றார்.
Read More

Saturday, December 31, 2022

குடும்ப தலைவிகளுக்கு மாதம் ரூ.1,000 திட்டம்.. எப்போது அறிவிப்பு? பதிலளித்த அமைச்சர் பழனிவேல் தியாகராஜன்...

December 31, 2022 0
குடும்ப தலைவிகளுக்கு மாதம் ரூ.1,000 திட்டம்.. எப்போது அறிவிப்பு? பதிலளித்த அமைச்சர் பழனிவேல் தியாகராஜன்... - 1,000 per month scheme for heads of households.. When will it be announced? Responding Minister Palanivel Thiagarajan...

குடும்ப தலைவிகளுக்கு ரூ.1,000 எப்போது வழங்கப்படும் என்பது குறித்து நிதியமைச்சர் பழனிவேல் தியாகராஜன் பதிலளித்துள்ளார். தமிழகத்தில் குடும்ப தலைவிகளுக்கு ரூ.1,000 எப்போது வழங்கப்படும் என்பது குறித்து நிதியமைச்சர் பழனிவேல் தியாகராஜன் பதிலளித்துள்ளார். திமுக அரசு பொறுப்பேற்றது முதல் பல்வேறு திட்டங்களை செயல்படுத்தி வருகிறது. திமுகவின் தேர்தல் அறிக்கையில் 500க்கும் மேற்பட்ட வாக்குறுதிகள் அளிக்கப்பட்டிருந்தன. அதில், ஆவின் பால் லிட்டருக்கு குறைத்தல், பெண்களுக்கு நகர பேருந்துகளில் இலவச பயணம், கேஸ் சிலிண்டருக்கு ரூ. 100 மானியம், நகை கடன் தள்ளுபடி உள்ளிட்டவை இருக்கின்றன.

இதில் மிக முக்கியமானதாக பெண்களுக்கு மாதந்தோறும் ரூ.1,000 உரிமைத் தொகை வழங்கும் திட்டம்தான். திமுக ஆட்சி பொறுப்பேற்று ஓராண்டு மேல் ஆகியுள்ளது. இன்னும் இந்த திட்டத்தை தொடங்கவில்லை என பலராளும் பேசப்பட்டு வருகிறது. இதற்கு எதிர்க்கட்சிகளும் பல்வேறு விமர்சனங்களை சொல்லி வருகின்றன. இதற்கு முற்றுப்புள்ளி வைத்தபாடில்லாமல் இருக்கிறது.  அதிமுகவும், பாஜகவும் இந்த திட்டத்தை பற்றி விமர்சிக்காத நாளே இல்லை. இந்த திட்டத்தை செயல்படுத்த முடியாது என தெரிந்தே திமுக அரசு மக்களை ஏமாற்றி வாக்குகளை பெற்றுவிட்டதாக கருத்துகள் சொல்லப்பட்டு வருகிறது. அமைச்சர் பதில்

மதுரை ஆரப்பாளையத்தில் சட்டமன்ற தொகுதி மேம்பாட்டு நிதியில் கட்டப்பட்ட அங்கன்வாடி மையம் மற்றும் பள்ளி கழிப்பறை, கட்டடங்களை நிதி அமைச்சர் பழனிவேல்  தியாகராஜன்  நேற்று திறந்து வைத்தார். அதன்பின், நிரூபர்களுக்கு பேட்டி அளித்த அவர், " பெண்களுக்கு உரிமைத் தொகை தரும் திட்டம் தொடர்பாக கணக்கெடுப்பு பணியானது 85 சதவீதம் நிறைவடைந்துள்ளது. 2023-ஆம் ஆண்டு பட்ஜெட்டில் குடும்ப தலைவிகளுக்கு ரூ.1,000 வழங்கும் திட்டம் குறித்து முதலமைச்சர் மு.க.ஸ்டாலின் முடிவெடுப்பார் என கூறியுள்ளார். மார்ச் மாதம் பட்ஜெட் தாக்கல் செய்யப்படும். அந்த நேரத்தில் 110 விதியின் கீழ் முதலமைச்சர் ஸ்டாலின் அறிவிப்பார்” என்றார்.

இதை தொடர்ந்து பேசிய அவர், ”ஜெயலலிதா அமல்படுத்திய விஷன்-2023 என்ற திட்டம் நல்ல திட்டம். அதனை நாங்களும் பின்பற்ற விரும்புகிறோம். ஜெயலலிதா, கலைஞர் காலத்தில் நிதி நிலைமை சிறப்பாக இருந்தது. ஜெயலலிதா உடல் நலம் சரியில்லாமல் போனது மற்றும் அவரது மறைவுக்கு பின்பு 7-8 ஆண்டுகளில் நிதி நிலை மிகவும் மோசம் அடைந்தது" என அமைச்சர் பழனிவேல் தியாகராஜன் தெரிவித்துள்ளார்.

மேலும், 2025-26 ஆம் நிதியாண்டில்  1 லட்சத்து 30 ஆயிரம் கோடி ரூபாய் மதிப்பில் முதலீடுகள் செய்ய வாய்ப்புள்ளது. 2022- 2023 நிதி ஆண்டில்  நிதி நிலை சிறப்பானதாக இருக்கும் என தெரிவித்தார்.
Read More

Friday, December 16, 2022

மாணவர்களிடையே புதிய சிந்தனைகளை உருவாக்க திட்டம்: TCS நிறுவனம் அறிவிப்பு

December 16, 2022 0
மாணவர்களிடையே புதிய சிந்தனைகளை உருவாக்க திட்டம்: டிசிஎஸ் நிறுவனம் அறிவிப்பு

குஜராத் மாநிலத்தில் உள்ள மாணவர்கள் மற்றும் ஆசிரியர்களுக்கு, சிந்தனையாளர்கள் மற்றும் கண்டுபிடிப்பாளர்களை உருவாக்க உதவும் திட்டத்தை டிசிஎஸ் நிறுவனம் செயல்படுத்த உள்ளது.

இதுகுறித்து டிசிஎஸ் நிறுவனத்தின் சமூகப் பொறுப்புடைமைப் பிரிவுத் தலைவர் பாலாஜி கணபதி கூறியதாவது: மாணவர்களின் கல்விக்கு மதிப்புசேர்க்கும் வகையிலும் டிஜிட்டல் திறன்களை வளர்க்கும் வகையிலும். ‘எனது ஒளிமயமான எதிர்காலத்துக்குச் செல்லுதல்’ என்ற தலைப்பின் கீழ் மாணவர்களிடையே புதியசிந்தனைகளை உருவாக்கும் திட்டத்தை செயல்படுத்த திட்டமிட்டுள்ளோம். இதை குஜராத் முழுவதும் உள்ள 14,486 பள்ளிகளில் செயல்படுத்த உள்ளோம்.

இத்திட்டத்தின் கீழ் கணிதம், அறிவியல், கல்வியறிவு, சமூக ஆய்வுகள் மற்றும் கலை, இலக்கியம் போன்ற முக்கிய பாடங்களில் மாணவர்களின் கற்றல் திறனை ஒருங்கிணைக்கும், உலகம் முழுவதும் உள்ள கல்வியாளர்களை மேம்படுத்துவதற்கான முன் முயற்சியாகும்.இத்திட்டம் தேசிய கல்விக் கொள்கைக்கு ஏற்ப செயல்படுத்தப்படுகிறது.

மேலும் மாணவர்களிடையே உலகளாவிய சிந்தனையை உருவாக்கும் முயற்சி. சமூகத்தில் உள்ள முக்கியமான பிரச்சினைகளுக்கு தீர்வைஉருவாக்குதல் மற்றும் பிரச்சனைகளைத் தீர்ப்பவர்களாக மாணவர்களை உருவாக்குவதே இதன் நோக்கமாகும். மேலும், மாணவர்களிடையே விழிப்புணர்வை ஏற்படுத்துவதும், புதிய டிஜிட்டல் பொருளாதாரத்துக்கு தயார்படுத்துவதும் இதன் குறிக்கோளாகும். இதன்மூலம் மாணவர்களின் கற்றல் திறன் மேலும் அதிகரிக்கும். எதிர்காலத்தில் உருவாகும் மாற்றங்களுக்கு ஏற்ப அவர்கள் தங்களை தகவமைத்துக் கொள்ள முடியும். இவ்வாறு அவர் கூறினார்.
Read More

Wednesday, November 16, 2022

பள்ளி, கல்லூரிகளில் காலை சிற்றுண்டி திட்டம்: முதல்வர் தொடங்கி வைத்தார்

November 16, 2022 0
பள்ளி, கல்லூரிகளில் காலை சிற்றுண்டி திட்டம்: முதல்வர் தொடங்கி வைத்தார்

திண்டுக்கல் மாவட்டம் பழநி திருக்கோயிலுக்குச் சொந்தமான பள்ளி, கல்லூரிகளில் காலை சிற்றுண்டி திட்டம்: முதல்வர் தொடங்கி வைத்தார் அருள்மிகு தண்டாயுதபாணி திருக்கோயில் நிர்வாகத்தின் கீழ் செயல்பட்டு வரும் 2 பள்ளிகள் மற்றும் 4 கல்லூரிகளில் பயிலும் மாணவ, மாணவியருக்கு காலை சிற்றுண்டி வழங்கும் திட்டத்தினை தமிழக முதல்வர் மு.க.ஸ்டாலின் காணொலிக் காட்சி வாயிலாக இன்று (நவ.16) தொடங்கி வைத்தார்.

இதுதொடர்பாக தமிழக அரசு வெளியிட்டுள்ள செய்தி: "தமிழக முதல்வர் மு.க.ஸ்டாலின் இன்று (நவ.16) முகாம் அலுவலகத்தில், இந்து சமய அறநிலையத்துறையின் சார்பில் பழநி, அருள்மிகு தண்டாயுதபாணி திருக்கோயில் நிர்வாகத்தின் கீழ் செயல்பட்டு வரும் 2 பள்ளிகள் மற்றும் 4 கல்லூரிகளில் பயிலும் மாணவ, மாணவியருக்கு காலை சிற்றுண்டி வழங்கும் திட்டத்தினை காணொலிக் காட்சி வாயிலாக தொடங்கி வைத்தார்.

இந்து சமய அறநிலையத்துறை மூலம் திருக்கோயில்களின் மேம்பாட்டிற்காக 250-க்கும் மேற்பட்ட திருக்கோயில்களுக்கு குடமுழுக்கு, பல ஆண்டுகளாக ஓடாமல் இருந்த திருத்தேர்களை பழுதுபார்த்து வீதிஉலா, திருக்குளங்களை புனரமைத்தல், திருக்கோயில்களில் திருப்பணிகள், திருக்கோயிலுக்குச் சொந்தமான நிலங்கள் ஆக்கிரமிப்பிலிருந்து மீட்பு போன்ற பல்வேறு திட்டங்கள் செயல்படுத்தப்பட்டு வருவதுடன், சட்டமன்றத்தில் அறிவிக்கப்பட்ட புதிய அறிவிப்புகள் பக்தர்களின் பயன்பாட்டிற்காக ஒவ்வொன்றாக நிறைவேற்றப்பட்டு வருகிறது.

அந்த வகையில், 2022-23 ஆம் ஆண்டிற்கான இந்து சமய அறநிலையத்துறையின் மானியக் கோரிக்கையில், "திண்டுக்கல் மாவட்டம், பழநி, அருள்மிகு தண்டாயுதபாணி சுவாமி திருக்கோயில் சார்பாக நடத்தப்படும் பள்ளிகள் மற்றும் கல்லூரிகளில் பயிலும் மாணவ, மாணவியர்களுக்கு கட்டணமில்லா காலை சிற்றுண்டி வழங்கப்படும்" என அறிவிக்கப்பட்டது.

அந்த அறிவிப்பினை நிறைவேற்றிடும் வகையில், பழநி, அருள்மிகு தண்டாயுதபாணி திருக்கோயில் நிர்வாகத்தின் கீழ் செயல்பட்டு வரும் அருள்மிகு பழநியாண்டவர் மெட்ரிக் மேல்நிலைப்பள்ளி மற்றும் அருள்மிகு தண்டாயுதபாணி சுவாமி திருக்கோயில் தொடக்கப்பள்ளி ஆகிய 2 பள்ளிகள் மற்றும் பழநி, அருள்மிகு பழநியாண்டவர் கலை மற்றும் பண்பாட்டுக் கல்லூரி, அருள்மிகு பழநியாண்டவர் பாலிடெக்னிக் கல்லூரி, சின்னக்கலையம்புத்தூர், அருள்மிகு பழநியாண்டவர் மகளிர் கலைக்கல்லூரி, ஒட்டன்சத்திரம், அருள்மிகு பழநியாண்டவர் மகளிர் கலை மற்றும் அறிவியல் கல்லூரி ஆகிய 4 கல்லூரிகளில் பயிலும் 4000 மாணவ, மாணவியர் பயன்பெறும் வகையில் காலை சிற்றுண்டி வழங்கும் திட்டத்தினை தமிழக முதல்வர் இன்று தொடங்கி வைத்தார்.

இப்பள்ளி மற்றும் கல்லூரிகளில் பயிலும் மாணவர்கள் தொலைவில் இருந்து கல்வி பயில வருகை தருவதாலும், அவர்களின் பொருளாதார நிலையை கருத்தில் கொண்டும் காலை சிற்றுண்டியாக ஒவ்வொரு நாளும் வெண்பொங்கல் மற்றும் இட்லி (அல்லது) ரவா உப்புமா மற்றும் இட்லி (அல்லது) கிச்சடி மற்றும் இட்லி ஆகியவற்றுடன் சட்னி, சாம்பார் சுழற்சி முறையில் வழங்கப்படும். இதற்கான செலவினம் திருக்கோயிலின் நிதியிலிந்து செலவிடப்படும்.

இந்நிகழ்ச்சியில், மாண்புமிகு உணவு மற்றும் உணவுப் பொருள் வழங்கல் துறை அமைச்சர் அர.சக்கரபாணி, இந்து சமய அறநிலையத்துறை அமைச்சர் பி.கே.சேகர்பாபு, சுற்றுலா, பண்பாடு மற்றும் அறநிலையங்கள் துறை முதன்மைச் செயலாளர் பி. சந்தரமோகன், இந்து சமய அறநிலையத்துறை ஆணையர் ஜெ.குமரகுருபரன், கூடுதல் ஆணையர் இரா.கண்ணன், மற்றும் அரசு உயர் அலுவலர்கள் கலந்து கொண்டனர். காணொலிக் காட்சி வாயிலாக திண்டுக்கல் மாவட்டத்திலிருந்து நாடாளுமன்ற உறுப்பினர் ப.வேலுச்சாமி, மாவட்ட ஆட்சித்தலைவர் முனைவர் ச.விசாகன், மற்றும் உள்ளாட்சி அமைப்பு பிரதிநிதிகள், அரசு அலுவலர்கள் கலந்து கொண்டனர்.இவ்வாறு அதில் தெரிவிக்கப்பட்டுள்ளது.
Read More

Saturday, September 17, 2022

The Tamil Nadu Teachers' Advancement Association commended the Chief Minister - முதல்வருக்கு தமிழ்நாடு ஆசிரியர் முன்னேற்ற சங்கம் பாராட்டு

September 17, 2022 0
காலை சிற்றுண்டி திட்டம் துவங்கிய முதல்வருக்கு தமிழ்நாடு ஆசிரியர் முன்னேற்ற சங்கம் பாராட்டு - மாநில தலைவர் கு.தியாகராஜன் அறிக்கை - The Tamil Nadu Teachers' Advancement Association commended the Chief Minister

Read More

Thursday, September 8, 2022

INSPIRE MANAK AWARD SCHEME (2022-2023) - PDF

Tuesday, July 12, 2022

தொழில் முனைவோர் கொரோனா உதவி மற்றும் நிவாரண திட்டம் செயல்படுத்த 50 கோடி நிதி ஒதுக்கீடு - அரசாணை வெளியீடு

July 12, 2022 0
தொழில் முனைவோர் கொரோனா உதவி மற்றும் நிவாரணத் திட்டத்தைச் செயல்படுத்த ரூ. 50 கோடி நிதி ஒதுக்கீடு செய்து, தமிழ்நாடு அரசு அரசாணை வெளியிட்டுள்ளது. சென்னை, தொழில் முனைவோர் கொரோனா உதவி மற்றும் நிவாரணத் திட்டத்தைச் செயல்படுத்த ரூ. 50 கோடி நிதி ஒதுக்கீடு செய்து, தமிழ்நாடு அரசு அரசாணை வெளியிட்டுள்ளது.

கொரோனா பெருந்தொற்று காலத்தில் நோயால் பாதிக்கப்பட்ட தகுதி வாய்ந்த தொழில் முனைவோர் தங்களது தொழிலை நேரடியாகவோ, வாரிசு தாரர் மூலமாகவோ மீண்டும் அமைக்கவோ அல்லது புதிய தொழில் தொடங்கவோ உதவிடும் வகையில் 25 லட்சம் வரை மானியத்துடன் கூடிய கடன் பெற்றுக்கொள்ளலாம்.

மேலும், இந்த திட்டத்தின்படி, 2020-21 மற்றும் 2021-22 ஆம் ஆண்டுகளில் கொரோனா நோய்த் தொற்றால் தொழில் பாதிக்கப்பட்டவர்கள் இந்த திட்டத்திற்கு விண்ணப்பிக்கலாம் என அரசாணையில் தெரிவிக்கப்பட்டுள்ளது

CLICK HERE TO DOWNLOAD
Read More

Thursday, July 7, 2022

EMIS - Steps for upload Bonafide Certificate for Moovalur Ramamirtham Ammaiyar Scheme - PDF

July 07, 2022 0
Samagra Shiksha - District Moovalur Ramamirtham Ammaiyar Higher study Assurance Scheme

Steps for upload Bonafide Certificate for Moovalur Ramamirtham Ammaiyar Scheme

1. Login to School login using

2. Click Students- > Academic Verification- > Verify Student Schools https://emis.tnschools.gov.in/login

3. The following window will be displayed .

👇👇👇👇👇👇👇👇👇

Steps to upload Bonafide Certificate in M R Higher Studies Assurance Scheme

CLICK HERE TO DOWNLOAD

Bonafide Certificate Form - CLICK HERE TO DOWNLOAD
Read More

Wednesday, June 22, 2022

ஓய்வூதியர்களுக்கு ஒருங்கிணைந்த வலைதளம்: மத்திய அரசு அறிவிப்பு

June 22, 2022 0

மத்திய அரசுப் பணியிலிருந்து ஓய்வுபெற்றவர்கள் எளிமையான முறையில் ஓய்வூதியம் பெறும் வகையில், பாரத ஸ்டேட் வங்கியுடன் இணைந்து ஒருங்கிணைந்த வலைதளம் ஏற்படுத்தப்படும் என மத்திய பணியாளர், மக்கள் குறைதீர், ஓய்வூதியத் துறை தெரிவித்துள்ளது.


இதுகுறித்து அந்தத் துறை சார்பில் செவ்வாய்க்கிழமை வெளியிடப்பட்ட செய்திக்குறிப்பு விவரம்:


ராஜஸ்தான் மாநிலம் உதய்பூரில் வங்கியாளர்கள் விழிப்புணர்வு மாநாட்டின் ஒரு பகுதியாக ஓய்வூதிய கொள்கை சீர்திருத்தம், ஓய்வூதிய விநியோக டிஜிட்டல் மயமாக்கம் தொடர்பாக அமர்வுகள் நடைபெற்றன. குறிப்பாக ஓய்வூதியதாரர்களுக்கான வருமான வரி பிரச்னை தொடர்பாகவும், ஆயுள் சான்றிதழை ஆன்லைனில் சமர்ப்பிப்பது குறித்தும் சிறப்பு அமர்வுகள் நடைபெற்றன.
இந்தக் கூட்டத்தில் ஓய்வூதியதாரர்கள் தங்குதடையின்றி ஓய்வூதியம் பெறும் நோக்கில், தற்போது நடைமுறையில் உள்ள பணியாளர், மக்கள் குறைதீர், ஓய்வூதியத் துறை வலைதளத்தை பாரத ஸ்டேட் வங்கியின் வலைதளத்துடன் இணைத்து ஒருங்கிணைந்த வலைதளம் உடனடியாக ஏற்படுத்தப்பட வேண்டுமென முடிவு எடுக்கப்பட்டது.


ஓய்வூதியதாரர் ஆயுள் சான்றிதழுக்கான முக அடையாளம் காணும் எண்ம தொழில்நுட்பம் குறித்து வங்கிகளால் விரிவாக விளம்பரப்படுத்தப்படும். ஓய்வூதியர்கள் ஆயுள் சான்றிதழ் சமர்ப்பிப்பதில் எண்ம ஆயுள் சான்றிதழும், முக அடையாள தொழில்நுட்பமும் திருப்புமுனையாக அமையும். இந்தத் திட்டங்களின் வாயிலாக ஓய்வூதியதாரர்களின் அன்றாட வாழ்க்கை இலகுவாகும். இந்த இலக்கு மிகப்பெரிய அளவில் எட்டப்படும்.


இதேபோல பாரத ஸ்டேட் வங்கியுடன் இணைந்து மேலும் நான்கு விழிப்புணர்வுக் கூட்டங்கள் நாடு முழுவதும் நடத்தப்படும் என்று அதில் தெரிவிக்கப்பட்டுள்ளது.

Read More

Thursday, May 19, 2022

உயர்கல்வி பயிலும் மாணவிகளுக்கு உதவும் Udaan திட்டம்

May 19, 2022 0
Udaan திட்டம்

*ஐஐடி, என்ஐடி உள்ளிட்ட பல புகழ்பெற்ற அரசு பொறியியல் கல்லூரிகளில் சேர சிபிஎஸ்சி மாணவிகளை ஊக்கப்படுத்துகிறது Udaan திட்டம்.*

*இந்தத் திட்டத்தின் கீழ் அந்த கல்லூரிகளில் சேர நடக்கும் நுழைவுத் தேர்வுகளுக்கு இலவச பயிற்சி வழங்கப்படுகிறது. இந்தத் திட்டத்தின் கீழ் ஆண்டுதோறும் 1000 மாணவிகளுக்கு சிறப்பு பயிற்சி வழங்கப்படும். அவர்களில் 50 சதவீதம் பெயர் எஸ்சி எஸ்டி மற்றும் இதர பிற்படுத்தப்பட்ட வகுப்பினராக இருப்பார்கள்.* மாணவிகளுக்கு உதவும் Udaan திட்டம்

*11ம் வகுப்பு படிப்பவர்கள் ஆக இருந்தால் பத்தாம் வகுப்பில் குறைந்தபட்சம் 70 சதவீத மதிப்பெண்ணும், கணிதம் மற்றும் அறிவியல் பாடங்களில் 80 சதவீத மதிப்பெண்ணும் அவசியம். பன்னிரண்டாம் வகுப்பு மாணவிகளாக இருந்தால் பத்தாம் வகுப்பில் மேற்கண்ட மதிப்பெண் தகுதியுடன் 11ஆம் வகுப்பில் 75% மதிப்பெண்ணும் அவசியம்.*

*மதிப்பெண் அடிப்படையில் தகுதியானவர்கள் தேர்வு செய்யப்படுவார்கள். இந்த பயிற்சியில் ஏழை மாணவி களுக்கு முன்னுரிமை வழங்கப்படும். இந்தத் திட்டத்தின் கீழ் பயிற்சி பெறும் மாணவிகள் படிப்பைத் தொடர நிதி உதவி வழங்கப்படும்.*

*சிபிஎஸ்சி பாடத்திட்டத்தில் படிக்கும் மாணவிகள் மட்டுமல்லாமல் மாநில பாடத்திட்டத்தில் படிப்போரும் இந்த சிறப்பு பயிற்சியில் சேரலாம். பிளஸ் 1 மற்றும் பிளஸ் 2 படிக்கும் இரண்டு ஆண்டுகளுக்கு இந்த பயிற்சி வகுப்புகள் நடத்தப்படும். https://transformingindia.mygov.in/ என்ற இணைய முகவரியில் மாணவிகள் விண்ணப்பிக்கலாம்.*
Read More

Friday, May 13, 2022

ஜூலை 15 முதல் கல்லூரி மாணவிகளுக்கான ₨1,000 வழங்கும் திட்டம் அமல் - உயர் கல்வித்துறை

May 13, 2022 0
காமராஜர் பிறந்தநாளான ஜூலை 15 முதல் கல்லூரி மாணவிகளுக்கான ₨1,000 வழங்கும் திட்டம் அமலுக்கு வரும் என உயர் கல்வித்துறை தகவல்

உதவிதொகை பெறும் மாணவிகள் அரசுப்பள்ளியில் 6 முதல் 12ஆம் வகுப்பு வரை படித்திருக்க வேண்டியது கட்டாயம்

மாதம் ₨1,000 வழங்கும் திட்டம் மூலம் 3 லட்சம் மாணவிகள் பயனடைவர்.
Read More

Monday, April 18, 2022

'நான் முதல்வன்' திட்டம் எதற்காக? - அமைச்சர் பொன்முடி பேச்சு

April 18, 2022 0
'நான் முதல்வன்' திட்டம்

பாலிடெக்னிக் கல்லூரிகளில் அதிகமான மாணவர்கள் சேர வேண்டும் என்பதற்காகவே 'நான் முதல்வன்' திட்டம் தொடங்கப்பட்டது: அமைச்சர் பொன்முடி பேச்சு

The 'I am the first' project has been launched to enroll more students in polytechnic colleges. Minister Ponmudi said that 31 new government colleges have been started after the DMK government took over. Minister Ponmudi said that a vocational training center is being set up for students to get employment opportunities through polytechnic colleges.

பாலிடெக்னிக் கல்லூரிகளில் அதிகமான மாணவர்கள் சேர வேண்டும் என்பதற்காகவே 'நான் முதல்வன்' திட்டம் தொடங்கப்பட்டுள்ளது. திமுக ஆட்சி பொறுப்பேற்றவுடன் 31 புதிய அரசுக் கல்லூரிகள் தொடங்கப்பட்டுள்ளன என அமைச்சர் பொன்முடி தெரிவித்தார்.

பாலிடெக்னிக் கல்லூரிகள் மூலம் மாணவர்கள் வேலை வாய்ப்பை பெறுவதற்காக தொழிற்பயிற்சிக் கூடம் அமைக்கப்பட்டு வருகிறது என அமைச்சர் பொன்முடி தெரிவித்தார்.
Read More

Wednesday, April 6, 2022

சத்துணவு மையங்களுக்கு புதிய கட்டடம்? அமைச்சர் கீதா ஜீவன்

April 06, 2022 0
Minister Geetha Jeevan has said that the government will take steps to set up adequate Anganwadi Centers. Will a new building be set up for nutrition centers in the Thiruvidaimarudur Union Territory? That MLA. Gov. Cheliyan had raised the question. Ministers are answering questions from members during Question Hour in the Legislature.

போதிய அங்கன்வாடி மையங்கள் அமைக்க அரசு நடவடிக்கை எடுக்கும் என்று அமைச்சர் கீதா ஜீவன் தெரிவித்திருக்கிறார். திருவிடைமருதூர் ஒன்றிய பகுதியில் சத்துணவு மையங்களுக்கு புதிய கட்டடம் அமைக்கப்படுமா? என்று எம்.எல்.ஏ. கோவி.செழியன் கேள்வி எழுப்பியிருந்தார். சட்டப்பேரவையில் கேள்வி நேரத்தில் உறுப்பினர்களின் கேள்விகளுக்கு அமைச்சர்கள் பதில் அளித்து வருகின்றனர்.
Read More

Monday, April 4, 2022

மாற்றுத்திறனாளி மாணவர்களுக்கு மதிய உணவு

April 04, 2022 0
Tamil Nadu Government Deaf High School is functioning in the Satavaram area next to Kanchipuram. Here, from class 1 to 10, there are more than 40 deaf and hard of hearing students. Students with disabilities arrived in the tourist town of Mamallapuram yesterday morning. There, they enjoyed looking around at the ancient symbols such as the Butter Ball, the Archunan Tapas, the Five Chariots and the Beach Temple.

At the Thalasayana Perumal Temple near the Mamallapuram bus stand, more than 50 poor and simple people are given lunch daily through the government's charity scheme. In turn, on behalf of the temple administration, deaf and hard of hearing students arrived and lunch was arranged for an additional 50 people. For this, the disabled students and the school teacher thanked the temple administration for providing lunch. காஞ்சிபுரம் அடுத்த சதாவரம் பகுதியில் தமிழ்நாடு அரசு காது கேளாதோர் உயர்நிலைப்பள்ளி இயங்குகிறது. இங்கு, 1 முதல் 10ம் வகுப்பு வரை காது கேளாதோர், வாய் பேச முடியாத மாணவ, மாணவிகள் 40க்கும் மேற்பட்டோர் படிக்கின்றனர். நேற்று காலை மாற்றுத்திறனாளி மாணவர்கள், சுற்றுலா நகரமான மாமல்லபுரம் வந்தனர். அங்கு, புராதன சின்னங்களான வெண்ணெய் உருண்டை பாறை, அர்ச்சுணன் தபசு, ஐந்து ரதம், கடற்கரை கோயில் ஆகியவற்றை சுற்றிப் பார்த்து மகிழ்ந்தனர்.

மாமல்லபுரம் பஸ் நிலையம் அருகே தலசயன பெருமாள் கோயிலில், அரசின் அன்னதான திட்டம் மூலம் 50க்கும் மேற்பட்ட ஏழை, எளிய மக்களுக்கு தினமும் மதிய உணவு அளிக்கப்படுகிறது. இதையொட்டி, கோயில் நிர்வாகம் சார்பில், காது கேளாத, வாய் பேச முடியாத மாணவர்கள் வருகையொட்டி கூடுதலாக 50 பேருக்கு மதிய உணவு ஏற்பாடு செய்து, உணவு வழங்கப்பட்டது. இதற்கு, மாற்றுத்திறனாளி மாணவர்கள் மற்றும் பள்ளி ஆசிரியை மதிய உணவு வழங்கிய கோயில் நிர்வாகத்துக்கு நன்றி தெரிவித்தனர்.
Read More

Tuesday, December 28, 2021

பள்ளி மாணவர்களுக்கு சத்துணவில் தரமான முட்டை; சமூக நலத்துறை உறுதி

December 28, 2021 0
பல நிலைகளிலும் உறுதி செய்யப்பட்ட பின்னரே, சத்துணவில் முட்டை வழங்கப்படுகிறது' என சமூக நலத்துறை தெரிவித்துள்ளது

சமூக நலத்துறை செய்திக்குறிப்பு:சமூக நலத்துறையின் கீழ் இயங்கி வரும் பள்ளி சத்துணவு மையங்களுக்கு, முட்டைகள் கொள்முதல் செய்யப்படுகின்றன. முட்டைகளின் தரம், அளவு மற்றும் எடையை நன்கு பரிசோதித்து, நல்ல நிலையில் உள்ள முட்டைகளையே, மைய பொறுப்பாளர்கள் பெறுகின்றனர்.முட்டைகள் வாங்கும் போது அல்லது ஒரு வாரத்திற்குள்ளாக, முட்டைகளில் விரிசல் அல்லது புழுக்கள் கண்டறியப்பட்டால், அவை தனியாக வைக்கப்படுகின்றன.

அவற்றுக்கு பதிலாக, புதிய முட்டைகள் பெறப்படுகின்றன.வாரம் ஒரு முறை முட்டைகள் பெறப்பட்டாலும், ஒவ்வொரு நாளும் குழந்தைகளுக்கு கொடுப்பதற்காக முட்டைகளை எடுக்கும் போது, தரம் உறுதி செய்யப்படுகிறது. அதன் பின்னரே முட்டைகள் வேக வைக்கப்பட்டு, குழந்தைகளுக்கு வழங்கப்படுகின்றன.முட்டைகள் உள்ளிட்ட உணவுகள் தரமான முறையில் வழங்கப்படுவது, பல நிலைகளிலும் உறுதி செய்யப்படுகிறது.இவ்வாறு அதில் கூறப்பட்டுள்ளது.
Read More

Sunday, December 26, 2021

1 கோடி மாணவர்களுக்கு ஸ்மார்ட் போன் - புது திட்டம் துவக்கம்

December 26, 2021 0
உத்தர பிரதேசத்தில் ஒரு கோடி மாணவர்களுக்கு இலவசமாக 'டேப்லட், ஸ்மார்ட் போன்' வழங்கும் திட்டத்தை, பா.ஜ.,வைச் சேர்ந்த முதல்வர் யோகி ஆதித்யநாத் துவக்கி வைத்தார்.உத்தர பிரதேசம் உட்பட ஐந்து மாநிலங்களுக்கு அடுத்த சில மாதங்களில் தேர்தல் நடக்க உள்ளது. மீண்டும் ஆட்சியை பிடிக்கும் வகையில் உ.பி.,யில் பா.ஜ., ஏற்கனவே பிரசாரத்தை துவக்கியுள்ளது.

வாஜ்பாய் பிறந்த நாள்

மத்திய - மாநில அரசுகள் சார்பில் பல திட்டங்கள் அறிவிக்கப்பட்டு வருகின்றன.இந்நிலையில், முன்னாள் பிரதமர் வாஜ்பாய் பிறந்த நாளான நேற்று ஒரு கோடி மாணவர்களுக்கு இலவசமாக, டேப்லட் மற்றும் ஸ்மார்ட்போன் வழங்கும் திட்டத்தை, லக்னோவில் நடந்த நிகழ்ச்சியில் முதல்வர் யோகி ஆதித்யநாத் துவக்கி வைத்தார். ஒரே நாளில் 60 ஆயிரம் பேருக்கு டேப்லட், ஸ்மார்ட் போன் வழங்கப்பட்டன.நிகழ்ச்சியில் யோகி ஆதித்யநாத் பேசியதாவது:ஒரு காலத்தில் அரசில் ஏதாவது வேலை வாய்ப்பு உருவானால், அதை ஆட்சியில் இருந்தவர்களின் குடும்பத்தைச் சேர்ந்தவர்கள் பணம் பறிக்கும் வாய்ப்பாக பயன்படுத்தினர்.

பணி நியமனங்கள்

ஆனால் கடந்த ஐந்து ஆண்டுகளில் இந்த அரசு 4.5 லட்சம் பேருக்கு புதிய வேலை வாய்ப்பை உருவாக்கியுள்ளது. இந்த பணி நியமனங்கள் மிகவும் வெளிப்படையாக நடந்தன.கொரோனா வைரஸ் குறித்தும், தடுப்பூசி குறித்தும் சில இளம் அரசியல் தலைவர்கள் எதிர்மறையான கருத்துக்களை கூறி மக்களை குழப்ப நினைத்தனர். அவர்களிடம் இருந்து இளைஞர்கள் எச்சரிக்கையாக விலகியிருக்க வேண்டும்.இவ்வாறு அவர் பேசினார்.பா.ஜ., மூத்த தலைவரும், மத்திய கல்வி அமைச்சருமான தர்மேந்திர பிரதான் உள்ளிட்டோர் நிகழ்ச்சியில் பங்கேற்றனர்.
Read More

Saturday, December 4, 2021

மாணவர்கள் கல்வி உதவித்தொகையில் மெகா முறைகேடு

December 04, 2021 0
எஸ்.சி., எஸ்.டி. மாணவர்களுக்கு ஒதுக்கப்பட்ட கல்வி உதவித்தொகையில் மெகா முறைகேடு நடந்துள்ளதாக தகவல் வெளியாகியுள்ளது. 2011 முதல் 2014 காலகட்டத்தில் ரூ.17.36 கோடிக்கு முறைகேடு நடந்துள்ளதாக புகார் தெரிவிக்கப்பட்டுள்ளது. வழக்கறிஞர் அசோக்குமார் கொடுத்த புகாரின்பேரில் பெயர் குறிப்பிடாத உயர்கல்வித்துறை அதிகாரிகள் மீது லஞ்ச ஒழிப்புத்துறையினர் வழக்குப்பதிவு செய்துள்ளனர்.
Read More

Saturday, November 13, 2021

5 ஏக்கருக்குள் வைத்திருப்பவர்களுக்கே பயிர்க்கடன் தள்ளுபடியில் சலுகை -

November 13, 2021 0
ஐந்து ஏக்கருக்கு மேல் நிலம் உள்ள விவசாயிகளுக்கும் பயிர்க்கடன் தள்ளுபடி செய்ய வேண்டும் என்ற உயர் நீதிமன்ற மதுரை கிளை தீர்ப்பை ரத்து செய்து உச்ச நீதிமன்றம் உத்தரவிட்டுள்ளது.

தமிழகத்தில் 2016ல் ஜெயலலிதா தலைமையிலான அ.தி.மு.க., அரசு பதவியேற்றவுடன், 5 ஏக்கருக்குள் நிலம் வைத்துள்ள விவசாயிகளுக்கு பயிர்க்கடன் தள்ளுபடி செய்யப்படும் என அறிவிக்கப்பட்டது.

இதை எதிர்த்து தென்னிந்திய நதிகள் இணைப்பு விவசாயிகள் சங்கம் உட்பட பல்வேறு விவசாய சங்கங்கள் சென்னை உயர் நீதிமன்ற மதுரை கிளையில் வழக்கு தொடர்ந்தன.

விவசாய சங்கங்களின் கோரிக்கையை ஏற்ற உயர் நீதிமன்ற மதுரை கிளை, 5 ஏக்கருக்கு மேல் நிலம் வைத்துள்ள விவசாயிகளுக்கும் பயிர்க் கடனை தள்ளுபடி செய்ய வேண்டும் என தமிழக அரசுக்கு உத்தரவிட்டு தீர்ப்பளித்தது.

இந்த தீர்ப்பை எதிர்த்து தமிழக அரசு உச்ச நீதிமன்றத்தில் மேல்முறையீடு செய்தது. மேல்முறையீட்டு மனு மீது 2017ல் நடந்த விசாரணையின் போது, உயர் நீதிமன்ற தீர்ப்புக்கு உச்ச நீதிமன்றம் இடைக்கால தடை விதித்தது.

மேலும் இது தொடர்பான கூடுதல் ஆவணங்களை தாக்கல் செய்யும்படியும் தமிழக அரசுக்கு உத்தரவிட்டது.

இந்நிலையில் இந்த வழக்கில் நேற்று இறுதித் தீர்ப்பு வழங்கப்பட்டது.'தமிழக அரசின் கொள்கை முடிவில் தலையிட முடியாது' எனக் கூறிய நீதிபதிகள், 5 ஏக்கருக்கு மேல் நிலம் வைத்துள்ள விவசாயிகளின் கடனையும் தள்ளுபடி செய்ய வேண்டும் என்ற உயர் நீதிமன்ற மதுரை கிளையின் தீர்ப்பை ரத்து செய்து உத்தரவிட்டனர்.
Read More

Friday, September 24, 2021

தெற்கு ரயில்வே - பிரதான் மந்திரி கௌசல் விகாஸ் யோஜனா (PMKVY) - இளைஞர்களுக்கு குறுகிய கால இலவச பயிற்சி பெற அழைப்பு

September 24, 2021 0
தெற்கு ரயில்வே


பிரதான் மந்திரி கௌசல் விகாஸ் யோஜனா (PMKVY) ரயில் கௌசல் விகாஸ் யோஜனா (RKVY)


இளைஞர்களின் எதிர்பார்ப்புகளைப் பூர்த்திசெய்வதற்கும், தொழிசாலைத் தேவைகளுக்கேற்ப அவர்களது மனோநிலையை மாற்றியமைப்பதற்கும், பிரதான் மந்திரி கௌசல் விகாஸ் யோஜனா (PMKVY) திட்டம் தீட்டப்பட்டுள்ளது. இளைஞர்களுக்கு, ரயில்வே | பயிற்சி நிறுவனங்களில் ஆரம்ப நிலை திறன் பயிற்சிகளை அளித்து அவர்களை மேலும் ஆற்றல் மிக்கவர்களாக மாற்றுவதற்கு "ரயில் கௌசல் விகாஸ் யோஜனா (RKVY) திட்டம் கொண்டுவரப் பட்டுள்ளது.


அதன்படி, ஃபிட்டர், வெல்டெர், எலெக்ட்ரிஷியன் & மெஷினிஸ்ட் போன்ற டிரேடுகளில் குறுகிய கால பயிற்சிகளை இலவசமாக தெற்கு ரயில்வே நடத்துகிறது. இந்தப் பயிற்சி, ரயில்வேயில் பயிற்சிநிலை | பணியாளருக்கான வாய்ப்பினை வழங்குவதாக ஆகாது.


மேலும் விவரங்கள் / தகவல்கள் அறிய, விண்ணப்பத்தைப் பதிவிறக்கம் செய்ய பார்க்கவும்: "www.sr.indianrailways.gov.in| --> News &Updates-->Personnel Branch Information".


துணை தலைமை பணியாளர் அலுவலர் கேரியேஜ் & வேகன் ஒர்க்ஸ், தெற்கு ரயில்வே, பெரம்பூர், சென்னை-600023.


Follow us on : twitter.com/@GMSRailway
Read More

Wednesday, September 15, 2021

செல்வமகள் சேமிப்பு திட்டம்: தமிழக அரசு வேண்டுகோள்

September 15, 2021 0
'பெண் குழந்தைகள் பயன் பெற, செல்வமகள் சேமிப்பு திட்டத்தில் சேருங்கள்' என, தமிழக அரசு தெரிவித்துள்ளது.


அரசின் செய்திக்குறிப்பு: தமிழக அரசு பெண் குழந்தைகளின் பாதுகாப்பிற்காக, பல்வேறு சமூக பாதுகாப்பு திட்டங்களை செயல்படுத்தி வருகிறது. அந்த வகையில், இந்திய அஞ்சல் துறை சார்பில், செல்வமகள் சேமிப்பு திட்டம்' செயல்படுத்தப்பட்டு வருகிறது.


பத்து வயதுக்குட்பட்ட பெண் குழந்தையின் பெற்றோர் அல்லது பாதுகாவலர், அதிகபட்சமாக ஒரு குடும்பத்திற்கு இரண்டு பெண் குழந்தைகள், இத்திட்டத்தில் சேர்ந்து பயன்பெறலாம். இக்கணக்கை துவக்க குறைந்தபட்சம் 250 ரூபாய் செலுத்த வேண்டும். ஆண்டுக்கு குறைந்தபட்சமாக 250 ரூபாய்; அதிகபட்சமாக 1.50 லட்சம் ரூபாய் வைப்புத் தொகை செலுத்தலாம்.


சேமிக்கும் தொகைக்கு ஆண்டுக்கு 7.6 சதவீதம் வட்டி பெறலாம். இத்திட்டத்தின் முதிர்வு தொகையில், 50 சதவீதம் வைப்புத் தொகையை, பெண் குழந்தையின் மேல் படிப்புக்காக பெற்றுக் கொள்ளலாம். முதிர்வுத் தொகையை, பெண் குழந்தையின் திருமணத்தின்போதும்; 21 வயது நிறைவடைந்ததும் பெற்றுக் கொள்ளலாம். இத்திட்டத்தின் முதிர்வுத் தொகைக்கு வரிவிலக்கு உண்டு. இவ்வாறு, அதில் தெரிவிக்கப்பட்டுள்ளது
Read More

Post Top Ad

Your Ad Spot