இது தொடர்பாக, அரசுத் தேர்வுகள் இயக்ககம் வெளியிட்ட செய்திக் குறிப்பில் கூறியிருப்பதாவது:
நடைபெறவுள்ள ஆகஸ்ட் 2022 தொடக்கக் கல்வி பட்டயத் தேர்வின் முதலாம் ஆண்டு தேர்வுகள் 08.08.2022 முகல் 29.08.2022 வரையிலும் இரண்டம் ஆண்டு தேர்வுகள் 05.08.2022 முதல் 26.08.2022 வரையிலும் நடைபெறவுள்ளது. இத்தேர்விற்கு விண்ணப்பித்திருக்கும் தனித்தேர்வர்கள் (தட்கல் உட்பட) அனைவரும் www.dge.tn.gov.in/ என்ற இணையதளம் மூலம் விண்ணப்ப எண், பிறந்த தேதி ஆகியவற்றை பதிந்து 28.07.2022 அன்று பிற்பகல் 2.00 மணி முதல் தேர்வுக்கூட அனுமதிச் சீட்டுக்களை பதிவிறக்கம் செய்து கொள்ளலாம் என அறிவிக்கப்படுகிறது.
www.dge.tn.gov.in என்ற இணையதளத்தில் தோன்றும் DEE Exam August 2022 - PRIVATE CANDIDATE - HALL TICKET DOWNLOAD என்பதை கிளிக் செய்தால் தோன்றும் பக்கத்தில் தங்கள் விண்ணப்ப எண் (Application Number) மற்றும் பிறந்த தேதியை (Date of Birth) பதிவு செய்து தேர்வு அனுமதிச் சீட்டை பதிவிறக்கம் செய்து கொள்ளலாம்.
இவ்வாறு, அரசுத் தேர்வுகள் இயக்ககம் வெளியிட்ட செய்திக் குறிப்பில் தெரிவிக்கப்பட்டது.